في الندوة الصحافية التي عقدها اليوم الجمعة ، وليد الركراكي قبل مواجهة كرواتيا في مباراة الترتيب غداً السبت، طرح عليه من طرف الصحافة سؤال يتعلق بسبب تغيير الخطة التكتيكية أمام فرنسا في مباراة النصف.
الركراكي أجاب : ” نلعب بربعة ولا خمس مدافعين ماشي مهم الرسم التكتيكي أكثر ما هو مهم التنشيط ( التنشيط كتعني نظام اللعب يعني طريقة اللعب في الحالة الدفاعية و الحالة الهجومية و مع الأسف تلقينا هدف في الخمس دقائق الأولى مع نظام اللعب لي لعبنا بها و هدف ثاني مع نظام لعب اخر مختالف على لي بيدنا به”.
و أضاف : “طحنا ضد منتخب قوي لي إلا ارتكبتي أي خطأ ضدو غايستغلوا فالبلاصة. حنا في الهدف الأول درنا خطأ . لاعب زلق والكرة تبدل المسار ديالها و وصلات للdeuxième poteau وتماركا علينا الهدف . هنا المشكل ماشي في خطة اللعب.ما نادمش بالنسبة للسيستيم لي لعبت بيه ضد فرنسا ، لأنه بالوضعية لي كانت من لاعبين جاهزين ، و إصابات و اختيارات في آخر لحظة كان خاص نتكيفوا مع هاد الأمور و ناخدوا أحسن الحلول الممكنة باش نقدروا نلعبو على التأهل. بعض المرات كاتجيب النتيجة وبعض المرات لا وهادي هي كرة القدم.”
وبخصوص مباراة الترتيب أمام كرواتيا قال الركراكي : “تايقين فداكشي لي كانديرو و الروح ديال المجموعة وشنو كانطلب من اللاعبين . غدا غانشوفو شكون غايلعب و كيفاش غانلعبو على حسب شكون واجد و قادر يعطي”.
و أضاف : “في 26 لي اختريت ما دام اختاريت شي لاعب فهو قادر يلعب ماتش في كأس العالم . غانحاولو نلقاو أفضل توازن بلا ما نبدلو بزاف ديال المراكز لأنه ملي كاتبدل بزاف د اللاعبين ماشي مزيان للفرقة.”